Pito Galego Moisés Quintas Suárez
Coidado e Mantemento
|
Tratándose dun instrumento novo, debe estar nunhas perfectas condicións e listo para tocar. É importante preguntar ao artesán que tipo de coidados e mantementos debemos empregar no noso instrumento, pois el é o que mellor pode aconsellarnos. As frautas de madeira (sen distinción), pola súa delicadeza, requiren algúns coidados especiais que non debemos esquecer se as apreciamos e queremos que nos respondan coa máxima calidade:• Antes de montalo cómpre untar a cortiza con • Chegado o momento de tocar, se é novo, debemos ir pouco a pouco (entre dez e quince minutos diarios). É frecuente que se tapone, como se afogase. Chegado ese momento, o mellor é deixalo xa por ese día, limpalo e gardalo.• O tempo de tocar aumentarase pouco a pouco, día a día, para que a madeira acade o grao xusto de humidade progresivamente. • Cando rematamos de tocar, xiramos outra vez no mesmo sentido das agullas do reloxo facendo forza cara a fóra para separar as dúas partes. Cómpre ter moito coidado co bisel, tanto ao montalo como ao desmontalo. Un pequeno golpe ou presión podería danalo; por iso é aconsellable xirar unicamente o corpo inferior (onde se atopan os buratos).• Unha vez separadas as partes, limpámolas interiormente cun pano envolto ao redor dunha variña duns 25 cm aproximadamente. Ollo co bisel tamén no momento de limpar a humidade interior e non danalo coa variña. • Por fóra pódeselle pasar un pano limpando ben a zona dos buratos e a entrada por onde sopramos. • É importante revisar que non se acumule sucidade nos buratos, xa que varía o diámetro e tamén o fai a afinación. Para iso, en calquera tenda de música, pódese comprar unha pequena vasoiriña, moi útil para limpar os buratos e que nunca dana o instrumento. • Se o pito está anelado en prata ou calquera outro metal, tamén podemos pasarlle un pano; e de vez en cando, limpar as argolas con algún produto específico.
|